عيد الحب

مساء الحب والرقه وصوت الدان
مساء الشوق من انفاس مشتاقه
ب عيد الحب هنيتك وانا ولهان
ونبضات الهوى في القلب خفاقه
اشوفك عيدي افراحي واغلا انسان
اشوفك زهري والاكليل والباقه
اشوفك دري والالماس والمرجان
وكل العمر لي ازدان اشراقه
على دربك اسير واعاند الازمان
وروح الروح للخطوات سباقه
عطيتك عمري ايامي مع الالحان
واشيل اللي محد شاله ولا طاقه
وعيدك يالغلا ارسمه بالالوان
وعيد الحب من اجلك وعشاقه
وذا ماكفت الواني على الجدران
بدمي رسمتك والله صداقه
وعهد الله ما قلبي بيومن خان
اسيرن صرت دام اسمك باوراقه
ولا هميت لو قالولي هان وكان
مدامك يمي كل الناس خقاقه
احبك انت فالاول واحبك ثان
وعهد الحر ما ترميه اعناقه
وب عيد الحب هنيتك وانا ولهان
ونبضات الهوى في القلب خفاقه