هلاك العشق

تصدّق من كثر عشقي .. بغيت اسكب بكاسك سـُم !!
وأمرّر منّه شفاتك واحاول عقبها شربه
واشوف ايش الذي بختار واكثر فيه انا مهتم
شفاتك او حياتي ؟؟! بالحقيقة مانبي الكذبه
واعرف الموت لو سقته لموته بايردد تم ؟؟
او الاعذار بيقدم .. وقمت أبدأ بذا اللعبه
وتلقائي خذيت الكاس !! حتى دون ما اعلم
وقمت اشربه طمّاع بشفاتك ناسي النكبه!!
وأثر السم اتحول عسل لنه سرى بالفم
ومره انقلب بالريق شهد ٍ ساحر ٍ عذبه
به اتلذذت والساني ... بذا الاعجاز اتلعثم
ولكنّ القهر جاني لأمر ٍ خارج الحسبه
هقيت اني اذا دوخت لاحضانك حنان انظم
وبطلع منها رابح ثلاث اشياء شف عقبه
تراه من أكبر ارباحي ودايم دوم فيه احلم
اموت بقربك وقلبي لقلبك مات في قربه
لكنّه ماحصل شيء ٍ وليته كان سال الدم
عسى في غيرها خير ٍ فما كلّ ٍ كسب حربه
وانا رابح كذا والا كذا .. لني بذا اتعلم
وأتاكد بانك للعشق شرقه معا غربه
وانك غير هالعالم وانت اللي تزيل الهم
وياللي مستعد الموت لاجله حتى في شربه
هلاك العشق مايرحم .. هلاك العشق مايرحم
ولا ودّي ابد يرحم فما هميت قطْ صعبه